Lekha Books

பலா மரத்திற்கு அடியில் இரண்டு பாம்புகள் உடலுறவில் ஈடுபட்டுக் கொண்டிருந்தன. பயங்கரமான...  அதே நேரத்தில் காமத்தை வெளிப்படுத்தும் காட்சி.

ஒன்று இன்னொன்றின் உடலில் சுற்றிப் பிணைந்து... இரண்டும் சேர்ந்து ஒரு கயிறைப்போலப் பிரிந்து... வாலில் இருந்து மேல்நோக்கி எழுந்துகொண்டிருந்தன.

தண்ணீர்ப் பாம்பின் வாய்க்குள் இருந்து கொண்டு தவளை உயிர்போகும் வேதனையுடன் கத்தியது. முன்னோக்கி நகர்ந்து கொண்டு பிடியில் இருந்து தப்பிப்பதற்கான முயற்சி. தவளையின் காலோ எதுவோதான் தண்ணீர்ப் பாம்பின் வாய்க்குள் இருந்தது.

“போயிடுங்க. இங்கே இருந்து. உடனே போயிடுங்க. போதும் உங்களை நம்பி நான் மோசம் போனது.”

“போயிடுங்க... போயிடுங்கன்னா... நான் எங்கே போவேன், ஜானு...?”

“ஜானு! அப்படிக் கூப்பிடற உரிமை உங்களுக்கு இல்லை. உங்களை நல்லவர்ன்னு நம்பினேன். நீங்க ஒரு அயோக்யன்னு அம்பலமாயிடுச்சு...”

ப்ரொஃபஸர் ரேணுகாதேவி சிங்கப்பூரில் நடக்கப் போகிற பொருளாதார மேதைகள் பங்குபெறும் சர்வதேச மாநாட்டில் கலந்து கொள்ளத் தீர்மானித்திருப்பதை அறிந்தவுடன், அவளுடைய உறவினர்களும் நண்பர்களும் அதிர்ச்சியடைந்து விட்டார்கள். ரேணுகா ஒரு இதய பாதிப்பிலிருந்து தப்பித்து மூன்று மாதங்கள் தான் ஆகின்றன.