Lekha Books

“பாலா!''

இயந்திரங்களின் ஆர்ப்பரிப்பு நிறைந்த லண்டன், காதல் வயப்பட்ட மனைவியின் இனிமையான சிரிப்பால் மகிழ்ச்சி நிறைந்திருக்கும் வீடு, மதிப்பு நிறைந்த நீதிபதி பதவி- இப்படி பலவிதப்பட்ட விஷயங்கள் அடங்கிய வாழ்க்கைக்கு மத்தியில் ஆனந்தம் நிறைந்த இளம்பருவத்து நினைவுகள் அவருடைய மனதில் வந்து மோதிய வண்ணம் இருந்தன. நீதிபதி திரும்பிப் பார்த்தார்.

உடல் மெலிந்து- சொல்லப்போனால் எலும்புக் கூடாகிப் போன ஒரு உருவம் அவரைப் பார்த்து மனம் குளிர சிரிக்கிறது. அந்த வாயில் பல் ஒன்றுகூட இல்லை. நீதிபதி உற்றுப் பார்த்தார்.

“ஒரு காற்றும் காற்றல்ல- பெரும் காற்றும் காற்றல்ல- மாவேலிக் குன்னத்தின் காற்றே வா! கடலே வா! கடல் மோதி, ஒரு மாங்காயைத் தா!: சிறுவர்கள் பாடிக்கொண்டிருந்தார்கள்.