Lekha Books

ஜிம்பாப்வேயின் முன்னணி எழுத்தாளரான சார்லஸ் முங்கோஷி, கிராம வாழ்க்கை தந்த இளம் வயது அனுபவங்களிலிருந்து தன்னுடைய படைப்புகளுக்கு கருவைத் தேர்ந்தெடுக்கிறார்.

விவசாயியாக இருந்த தந்தையுடன்தான் முங்கோஷியின் இளமைப் பருவம் பெரும்பாலும். அத்துடன் கதைகள் கூறும் பாட்டியின் கதைகள். 1970-ல் தன்னுடைய முதல் நாவலான "Coming for the Dry season”-ஐ தன்னுடைய மொழியில் இவர் எழுதினார்.

இவரின் "Some Kind of Wonder” ஜிம்பாப்வேயின் சுதந்திரப் போராட்டத்தின் வேதனைகளையும் அக்கிரமங்களையும் தாங்கும் சக்தியையும் தெளிவாகக் காட்டும் நூல்.

1975-ல் முங்கோஷி ரொடீஷியா இலக்கிய அமைப்பின் எடிட்டராக ஆனார். 1985-ல் ஜிம்பாப்வே பல்கலைக்கழகத்தின் இலக்கிய பிரிவின்  "Writer in Residence” ஆனார். 1990-95 காலகட்டத்தில் முங்கோஷி நடிப்பில் இறங்கினார். ஏராளமான திரைப்படங்களிலும் வீடியோ படங்களிலும் நடித்தார்.